Plantun de Prouvènço

Pèr coumpara dos planto d'encò nostre

Asparagus maritimus & Gentiana lutea

Asparagus maritimus

Asparagaceae

Nom en français : Asperge maritime.

Descripcioun :
Aquesto espargo, pulèu raro, s'atrobo soulamen en ribo de mar. Sèmblo proun à Asparagus officinalis. Pamens l'espargo-de-mar èi rabastouso au contro de l'espargo. Ei lou meiour biais pèr faire la diferènci.

Usanço :
L'espargo-de-mar èi manjadisso jouino mai pamens di proun amaro. A li mémi prouprieta que sa cousino, l'espargo-fèro.

Port : Erbo
Taio : 0,4 à 1 m
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Asparagus
Famiho : Asparagaceae

Ordre : Asparagales

Coulour de la flour : Jauno
Petalo : 6
Ø (o loungour) flour : 3 à 4 mm
Flourido : Printèms

Sòu : Na Cl
Autour basso e auto : 0 à 10 m
Aparado : Vo
Mai à jun

Liò : Mar - Sablo
Estànci : Mesoumediterran
Couroulougi : Éurasiatico-Cèntre-Ouèst
Ref. sc. : Asparagus maritimus (L.) Mill., 1768

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asparagus maritimus & Gentiana lutea

ges

Coumpara Espargo(-de-mar) emé uno autro planto

Coumpara Genciano emé uno autro planto